خليك حلو..عشان احبك

عاوزين منها ايه تانى
ما هى اتحرقت خلاص
******

من خواص الضوء الإنتشار
وليس الإنحسار

*******

دعه الإنكسار يحدث
فالإرث قديم

******
تخفف من حمل الأفكار المستعملة
لكى تترك فى العقل مساحات
استقبال للأفكار الجديدة

الوثيقة التعريفية لعلم الهسس

اخيراً وبعد مرور اكتر من عام من المناقشات والمداولات
والإختلافات بين اللجنة الثلاثية المؤسسة لعلم الهسس
وبين جموع شعب الهسس
ظهرت إلى النور
الوثيقة التعريفية لعلم الهسس
والمرجع الأساسى لهذا العلم الفريد من نوعه
ويحب ان ننوهه إلى
انه لا يعتدّ بأى وثيقة أخرى
غير تلك الوثيقة
ويسرى العمل بهذه الوثيقة
من تاريخ نشرها فى المدونة الناطقة والمعبرة
عن علم الهسس
وربنا يوفقنا لإنقاذ هذه البشرية المعذبة

الوثيقة التعريفية لعلم الهسس

او يمكن الدخول مباشرة
على هذا اللينك
الوثيقة

فشفشوه

خرجت رصاصة طايشة
من مسدس مجهول
اودت بحياة
احد المؤسسين والضلوع الأساسية
فى مثلت الهسس
وهو الفشفوش الأعظم
وبعد التحرى والبحث
تم القبض على الجانى واعترف بجريمته البشيعة
وقال ان ما دفعه إلى ذلك
هو احد تصريحات الفشفوش الأعظم
النارية التى قال فيها
وما الدنيا الا هسس كبير
ولأن الجانى كان ينتمى الى طائفة تعتنق افكارا
تنادى بان
الدينا هسس صغير
وان تلك التصريحات تتعارض مع معتقداته وافكاره
بل تهدمها
فكان لازما عليه ان يدافع عن فكرته ويزيل وصمة العار دى
فاقدم على فعلته الخسيسة
واطلق رصاصته الطائشة التى استقرت
فى قلب الفشفوش اللى كان عامل زى قلب الخسّاية
والتى اودت بحياته فى الحال
هذا وقد نعى الهساس الأعظم
الفشفوش الأعظم
واعلن يوم وفاته يوم ذكرى لشعب الهسس
وبداية
لفتح حوار مع الأفكار الأخرى
حتى يتم التلاقى حول مشتركات
تجمع المهاسيس من شعب الهسس العظيم
ولا تفرق بينهم

ولا عزاء حتى يتم التقارب

سر العلاقة

الموقف الأول

مرة دكتور امراض عقليه بيكشف على مخ مريض
فطلع المخ وحاطه فى الصنيه عبال مايكشف على الجمجمه
راحت القطه اكلت المخ
فالدكتور محتار يحط بدل المخ ايه
راح جايب جوز جزمه وحطها فى الجمجمه وقفل على كده
بعد سنتين
واحد بيسئله بيقوله:
ايه اخبار المريض بتاع الجزمه
قالو اسكت
عقبالك
دا بئه الرئيس بتعنا

**************

الموقف التانى

كانوا بيمسكوا كل حمير الغابة ففيه قرد لقي اسد بيجري .....
القرد : بتجري ليه يا اسد
الأسد : اصله بيحبسوا كل الحمير
القرد : وانت مالك انت اسد مش حمار
الاسد : حلني على ما يثبتوا اني اسد

يا ترى يا هل ترى ما هو سر العلاقة
المبهمة المهسوسة المخفية
بين
ما فعله الطبيب النفسوانى للمريض
وبين
خوفان الأسد وجريه بهذه الطريقة العبيطة

سؤال للأذكياء فقط
ولا عزاء للأغبياء

حد فيكوا سمعنى؟

لماذا عندما تكون بطارية (الريموت كونترول) ضعيفة نقوم بالضغط بقوة على الأزرار؟؟
يعني بنشحن البطارية!!؟؟

لماذا نخفض صوت المسجل أو (الراديو) في السيارة عندما نشعر بأننا دخلنا بالطريق الخطأ؟؟؟
يعني كدة هنعرف الطريق الصحيح!!؟؟

لماذا نقول هدية مجانية؟؟ وهل يوجد هدية غير مجانية!!؟؟

لماذا عندما نكون داخل المنزل والسماء تُمطر نتسائل: هل السماء تُمطر برة؟؟
يعني عمرها مطرت جوة مش برة!!؟؟

لماذا عندما نقرأ على الحائط 'احترس من الدهان!' لا نصدق بل نجرب ذلك بأصبعنا؟؟
يعني اللي دهن الحائط لازم يحلف!!؟؟

لماذا عندما توقف سيارتك في موقف خالي من السيارات يأتي واحد بعدك ويوقف سيارته بجانب سيارتك؟؟
يعني يسيب الموقف كله ويوقف جنبك!!؟؟

لماذا عندما يتأخر المصعد نضغط عدة مرات على الزر؟؟
يعني كدة هيستحي على دمه ويجي بسرعة!!؟؟

لماذا عندما تكون منتظراً المصعد ويأتي شخص آخر تجده يضغط الزر أيضاً لطلبه؟؟
يعني انت كيس جوافة!!؟؟

لماذا نفتح فمنا عندما نقوم بإطعام الطفل الصغير؟؟
يعني إحنا اللي بناكل واللا هو!!؟؟

لماذا نشعر دوماً بأننا بحاجة إلى 10 دقائق نوم إضافية كلما استيقظنا صباحاً؟؟
لماذا يكون الشخص الذي يشخر ليلاً أول من تغمض عينيه؟؟
يعني مش كفاية شخير وينام بدري!!؟؟

ليه لما تكون قاعد في مكان عام وتسمع رنة محمول على طول تطلع محمولك..؟؟
يعني مش عارف رنتك واللا أنت حضرتك مهم أوي عشان يرن (موبايلك) بين كل البشر دي!!؟؟

.....................
منقول

أمثال من دماغ مليانة هسس

من طلب العلا يتفضل في كابينة أربعة
اللي بيته من قزاز مايغيرش هدومه في الصالون
فاقد الشيء يدور عليه
اقلب القدرة على فمها الفول يقع منها
تأتى الرياح محمله بالأتربة
يا خبرالنهارده بفلوس بكره ينزل عليه أوكازيون
اللي معاه قرش محيره يجيب حمام ويحمره
جت الحزينة تفرح شغلت شريط حكيم وقعدت ترقص
قال يامحششين يكفيكو شر الكمين
اللي ياكل لوحده يشبع
لا تبكى على اللبن في البسكوت
اقطع عرق و حته بتلو
اطبخي يا جاريه الأنبوبة فاضيه يا سيدى
لو حبيبك عسل ما تحطلوش طحينه
اللي يتلسع من الشوربه يتصل بالمطافي
وبكره ترجع ريما من عند خالتها في مارينا
يا داخل بين البصلة وقشرتها حط قطرة علشان حادمع من ريحتها
أصوم أصوم وافطر على المدفع
القرش الأبيض بيعوم في البحر الأحمر
ضربوا الأعور على عينه قال لهم كسرتوا النضارة
اللي مايشوفش من الغربال يكشف نظر
المال السايب يعلم الطلبة
نام وارتاح وكل عسل نحل التمساح
من خرج من داره ماينساش ياخد المفتاح معاه
الباب اللي يجيلك منه الريح شيله وركب قبنوري
المضطريركب التاكسي
المركب اللي فيها ريسين يلعبوا طاولة
أكل العيش يحب الطعمية
العين عليها lenses
قالوا للحرامي احلف قال لهم وحياة قلبي وأفراحه
....
منقول

وسط النقط...كلام مهم

................................................................إن.......

..................ألم....................................................

..............................................................الضربة.......

.....................................ليس................................

...............مرعباً....................................................

.............................................................بالقدر.......

........................................الذى...........................

.............................................................كنا........

......................نتصوره............................................

..........................................................................

ما رأيكم فى هذه العبارة الفاضحة؟؟
.....

على هامش الهسس

كنا من فترة قلنا ان الهساس سيضع حلا للكثير من المشاكل
التى تعانى منها الإنسانية المعذبة
ويعرض وجهة نظر الهسس فيها
وكان من أهم تلك القضايا والتى بيانها كالتالى:ـ

المشكلة: الألغام
الحل: حدف الطوب
التفاصيل: نجّمع طوب كتير وناس كتير ونفضل نحدف طوب على الأماكن اللى فيها الألغام
طبعا من بعيد ومن حتة عالية، وتتعاون اجهزة الدولة بقدراتها الكبيرة فى حدف الطوب مع الجماهير
كاستخدام الطائرات الهليكوبتر والاوناش وغيرها من المعدات االتقيلة
النتيجة: التخلص من 90% من الألغام فى المناطق الموبوءة

المشكلة:التقاتل والتناحر الطائفى
الحل:برشامة الرغبة
التفاصيل: يتم عمل برشام وتصنيعه يؤثر على رغبة الإنسان الشريرة فى القتل والتعصب وتحولها
الى رغبة مسالمة وخوف على الأخرين ،ويتم توزيعها على الناس على انها علاج فعال للعجز الجنسى
حتى يتحقق له الإنتشار الكافى بين كافة المستويات والطبقات والبلاد والعباد
النتيجة: تحول هذه الرغبة عند ما يقرب من 65% من المتعصبين الى رغبة مسالمة ورغبة شديدة فى التعايش المشترك

وقريبا هانكمل حل باقى المشاكل
وهيا بنا نهسس

سوف انتحر

فى مثل هذا اليوم
وفى تمام الساعة 2 الضهر
من العام الماضى
..
..
......
سوف انتحل
سوف اتحد
سوف اجمع قواى
وانتحر

وما حدتش
يقولى ايه السبب

اهو كدا

بطلوا لف حوالين نفسيكم

آآآآخ
انا خلاص
مررتى اتفقعت
الكثير من الناس
بتعشق
اللف فى مسارات دائرية

وبأت بتكره
السير فى مسارات طولية
نحو الهدف

آآآآآخ
ثم
آآآآخ

لو عندك اى مشكلة..ابعتهالى

فى مبادرة فريدة من نوعها
يقوم الهساس الأعظم
بفتح باب تلقى مشاكل الشعب المهسس
والمساهمة شخصيا فى حلها
فاياً كانت مشكلتك
واياً كانت ضخامتها
فعند الهساس... اكيد هتلاقى حلها
وسيبدأ الهساس الأعظم
بتسليط الضوء على اهم المشاكل الكبرى
التى تواجهه الإنسانية المشردة
ومنها:ـ
مشكلة الألغام فى الصحراء
مشكلة التقاتل الطائفى
مشكلة زحمة المرور
مشكلة الفقر والجوع
..
..
..
وغيرها من المشاكل التى ستنشر تباعا
فانتظرونا